ઇ-બુક
૧૯૬૫માં પ્રકાશિત કાન્તિલાલ બળદેવરામ વ્યાસનું 'ભાષાવિજ્ઞાન : ખંડ ૧લો' પુસ્તક આજે આધુનિક પાઠ્યપુસ્તક તરીકે નહીં, પરંતુ ગુજરાતી ભાષાવિજ્ઞાનના વિકાસના એક મહત્વના ઐતિહાસિક દસ્તાવેજ તરીકે વાંચવા માટે યોગ્ય છે. વ્યાકરણ અને ઐતિહાસિક ભાષાશાસ્ત્રના પ્રભુત્વ વચ્ચે આ પુસ્તકે પ્રથમ વખત આધુનિક ભાષાવિજ્ઞાનનો પરિચય ગુજરાતી વાચકોને કરાવ્યો. વર્ણનાત્મક અભિગમ, ગુજરાતી ભાષાવૈજ્ઞાનિક પરિભાષાના ઘડતરનો પ્રયાસ અને ભારતીય તથા પશ્ચિમી પરંપરાઓ વચ્ચે સંવાદ સ્થાપવાની એની દૃષ્ટિ આ પુસ્તકને વિશિષ્ટ બનાવે છે. ભાષાવૈજ્ઞાનિક વિચાર, પરિભાષા અને અભ્યાસપદ્ધતિના ઇતિહાસને સમજવા માટે આજે પણ આ પુસ્તક એટલું જ મૂલ્યવાન છે. આશા રાખીએ કે આ પુનઃપ્રકાશન વિદ્યાર્થીઓ, અધ્યાપકો, સંશોધકો અને ગુજરાતી ભાષાવિજ્ઞાનના ઇતિહાસમાં રસ ધરાવતા તમામ વાચકો માટે ઉપયોગી સાબિત થશે.
– બાબુ સુથાર
